چینی وزارت خارجہ کے ترجمان وانگ وین بین نے بائیس تاریخ کو نیوز بریفنگ کے دوران کہا کہ انسانی حقوق کا تحفظ اور فروغ انسانیت کی مشترکہ ذمہ داری ہے۔ انسانی حقوق کونسل کے اجلاس کے حوالے سے ترجمان نے کہا کہ چینی حکومت انسانی حقوق کے فروغ اور تحفظ کو نمایاں اہمیت دیتی ہے ، عوام کی مرکزی اہمیت پر مبنی انسانی حقوق کے تصور پر عمل پیرا ہے  اور اپنے قومی تقاضوں کے مطابق انسانی حقوق کی ترقی کو کامیابی سے آگے بڑھا تے ہوئے عالمی سطح پر سراہے جانے والی کامیابیاں حاصل کی گئی ہیں۔ چین انسانی حقوق کونسل اور انسانی حقوق سے وابستہ دیگر کثیر الجہتی میکانزم میں بھرپور طور پر شریک ہے   اور عالمی انسانی حقوق کی گورننس میں چینی دانش اور چینی حل کے تحت تعاون کر رہا ہے۔ترجمان نے کہا کہ وزیر خارجہ وانگ ای انسانی حقوق کونسل کے اجلاس میں انسانی حقوق کے تحفظ سے متعلق چین کے تصور ، عملی اقدامات اور تجربات کا تبادلہ کریں گے  اور چین کی جانب سے عالمی سطح پر انسانی حقوق کی گورننس کے بارے میں اہم خیالات اور تجاویز پیش کریں گے ۔چینی وزیر خارجہ بنی نوع انسان کے ہم نصیب معاشرے کی تعمیر کے تصور کو فروغ دیں گے۔