سات تاریخ کو چینی صدر شی جن پھنگ نے قومی عوامی کانگریس کے سالانہ اجلاس میں شریک چھنگ ہائی وفد کے نمائندوں سے ملاقات کے دوران واضح کیا کہ اعلی معیار کی ترقی چودہویں پانچ سالہ منصوبے پر عمل درآمد اور طویل مدتی تناظر میں چین کی اقتصادی و سماجی ترقی کا اہم موضوع رہے گا۔یہ نہ صرف اقتصادی طور پر خوشحال علاقوں بلکہ تمام علاقوں کی ترقی کے لیے اہم ہوگا اور اس پر ثابت قدم رہنا ہوگا۔شی جن پھنگ نے عوامی فلاح بہبود کو مضبوط اور حیاتیاتی تحفظ کو ترجیج دیتے ہوئے اعلی معیار کی ترقی اور اعلی معیار کی زندگی کو مربوط بنانے پر زور دیا۔اس موقع پر شی جن پھنگ نے امید ظاہر کی کہ چھنگ ہائی کی ترقی میں عوام کی مرکزی حیثیت برقرار رہے گی ،اصلاحات و کھلے پن کا تسلسل جاری رہےگا اور چھنگ ہائی-تبت سطح مرتفع کے حیاتیاتی تحفظ اور پائیدار ترقی کوآگے بڑھایا جائے گا۔شی جن پھنگ نے چھنگ ہائی میں حیاتیاتی تحفظ،عوامی زندگی کی بہتری ،غربت کے خاتمے کے ثمرات کی مضبوطی اور قومی اتحاد کی تاکید کی ۔