چین میں منعقدہ عالمی تحفظ امن مشق اختتام پزیر
2021-09-15 15:58:40
چین میں منعقدہ عالمی تحفظ امن مشق " شیئرڈ ڈیسٹنی 2021" پندرہ تاریخ کو اختتام پزیر ہوئی ۔ چین ، منگولیا ، پاکستان اور تھائی لینڈ کے ایک ہزار سے زائد فوجی اہلکاروں نے مشق میں شرکت کی ۔ انہوں نے " کثیرالملکی تحفظ امن فورسز کے مشترکہ آپریشن " کے موضوع پر عارضی آپریشن اڈوں کی تعمیر ، سکیورٹی گشت ، مسلح حفاظتی سرگرمیوں ، شہریوں کا تحفظ ، اور پرتشدد اور دہشت گرد حملوں سے نمٹنے سمیت مختلف مشقیں کیں ۔ یہ مشق اقوام متحدہ میں عوامی جمہوریہ چین کی قانونی نشست کی بحالی کی 50 ویں سالگرہ کے موقع پر ایک اہم معاون سرگرمی ہے ۔ دس روزہ مشق میں شریک مختلف ممالک کے فوجی اہلکاروں نے قریبی تعاون سے ایک دوسرے کے تجربات سے بھرپور استفادہ کیا ۔ علاوہ ازیں باہمی تبادلوں ، اعتماد اور عملی تعاون کو بھی فروغ ملا ہے۔
