چینی روایتی تہوار وسطِ خزاں کا تہوار آرہا ہے۔ اس تہوار کے موقع پر جیسے چاند پورا ہو جاتا ہے، چاند کے آہستہ آہستہ مکمل ہونے کی طرح چینی عوام کے خواب بھی مکمل ہو رہے ہیں ۔ کمیونسٹ پارٹی آف چائنا کے قیام کی ایک سوویں سالگرہ کے سال کےموقع پر چین میں جامع اعتدال پسند معاشرے کی تکمیل ہو چکی ہے۔ یہ سال چین کے چودہویں پنچ سالہ منصوبے کے آغاز کا سال بھی ہے۔ یہ سال ماضی اور مستقبل کا سنگم ہے اور چینی قوم کے اپنے خواب کے حصول کی راہ میں ایک اہم سنگ میل کا سال بھی ہے۔
یکم جولائی 2021 کو کمیونسٹ پارٹی آف چائنا کے قیام کی 100 ویں سالگرہ کے موقع پر، چینی صدر مملکت شی جن پھنگ نے سی پی سی اور عوام کی جانب سے پوری دنیا کے سامنے اعلان کیا: "سی پی سی اور تمام نسلی گروہوں کے لوگوں کی مسلسل جدوجہد کے ذریعے، ہم نے اپنا پہلا صد سالہ ہدف حاصل کر لیا ہے اور چین کی سرزمین پر ایک جامع اعتدال پسند معاشرے کی تعمیر کی ہے۔"
شی جن پھنگ نے مرکزی حکومت کے غربت کے خاتمے کے کام پر 7 مرتبہ سمپوزیم کی صدارت کی ہے ، اور غربت کے خاتمے کے کام پر 50 سے زائد مقامی تحقیقات کی ہیں اور 14 انتہائی غریب علاقوں کا سفر کیا ہے۔
کمیونسٹ پارٹی آف چائنا کی 18 ویں قومی کانگریس کے بعد سے، شی جن پھنگ نے ہمیشہ چین کی ایرو اسپیس انڈسٹری کی ترقی کو بہت اہمیت دی ہے اور کئی مواقع پر اہم ہدایات جاری کی ہیں تاکہ چین کی ایرو اسپیس انڈسٹری کو مسلسل چوٹی پر چڑھنے اور نئی بلندیوں تک پہنچانےکے لیے رہنمائی کی جائے۔
ایک صدی کے اولمپک خواب نے چینی قوم کی جدوجہد، ترقی، خوشحالی اور ترقی کا مشاہدہ کیا ہے۔ دو ہزار اکیس میں پہلے اندرون ملک دورے کے دوران، شی جن پھنگ سرمائی اولمپکس کے انعقاد کے مقامات پر آئے تاکہ تیاریوں کی پیش رفت اور آپریشنل گارنٹی کے بارے میں جان سکیں۔ جس سے چین کے اعتماد اور عزم کا اظہار ہوتا ہے کہ چینی قوم سرمائی اولمپکس کی تیاریوں کو مسلسل آگے بڑھائے گی اور اپنے ہر وعدے کی تکمیل کرے گی۔