اکیس تاریخ کو افغان طالبان کے ترجمان ذبیح اللہ مجاہد نے کابل میں ایک پریس کانفرنس  کی۔
انہوں نے کہا کہ افغانستان ایک غریب ملک نہیں ہے۔ افغانستان کے پاس وسائل بہت زیادہ ہیں اور موجودہ مالی مشکلات صرف ماضی کے کچھ تجربات کی وجہ سے پیدا ہوئی ہیں۔ عبوری حکومت اس مسئلے کو حل کرنے کے لیے سخت محنت کرے گی اور امید کرتی ہے کہ عالمی برادری اس دوران اپنا تعاون فراہم کرتی رہے گی۔ پریس کانفرنس میں ، مجاہد نے افغانستان کی طویل مدتی حمایت اور حالیہ بیانات پر چین کا شکریہ ادا کیا ، اور چین افغانستان  تعلقات کے بارے میں نیک خواہشات کا اظہار کیا۔
مجاہد نے کہا کہ جب اگلے مرحلے میں سرکاری عہدیداروں کا تقرر کیا جائے گا تو  خواتین اور ہزارہ جیسی نسلی اقلیتوں پر غور کیا جائے گا۔ طالبان ملک کے مختلف شعبوں خصوصاً طبی اور تعلیمی  شعبوں میں خواتین کے کردار کو پوری طرح تسلیم کرتے ہیں اور افغان خواتین کی تعلیم اور روزگار کو یقینی بنانے کے لیے سخت محنت کریں گے۔
انہوں نے پریس کانفرنس میں مزید  کہا کہ عبوری حکومت نے قومی سلامتی کو یقینی بنانے اور معاشی نظم و ضبط کو برقرار رکھنے کے لیے متعدد اقدامات کیے ہیں ، اور شدت پسند تنظیم "داعش " کی  خراسان شاخ سمیت دہشت گردوں سے نمٹنے کے لیے سخت اقدامات کرتے رہیں گے۔