چین کے دفتر برائے انسان بردار خلاباز ٹیکنالوجی نے بتایا کہ نو دسمبر کی سہ پہر تین بج کر چالیس منٹ پر شن جو۔13 کے خلا باز چین کے تھیان گونگ خلائی اسٹیشن میں خلائی تدریسی سرگرمیوں کا آغاز کریں گے۔ چائنا میڈیا گروپ یہ سرگرمی براہ راست نشر کرے گا ۔ یہ خلائی تدریسی سرگرمی خلا اور زمین کے تعامل کی شکل اختیار کرے گی۔ تین خلا باز خلائی اسٹیشن پر روزمرہ امور اور حالات زندگی دکھائیں گے اور مائیکرو گریوٹی ماحول میں سائٹولوجی تجربہ اور آبجیکٹ موشن جیسے موضوعات سے متعارف کروائیں گے تاکہ خلا بازی کے بارے میں معلومات فراہم کی جا سکیں اور سائنس میں بچوں اور نوجوانوں کی دلچسپی کو ابھارا جا سکے ۔