بنگلہ دیش کی میڈیا رپورٹس کے مطابق 24 تاریخ کو بنگلہ دیش کی چارووتی کاؤنٹی میں دریائے سوگنڈا پر ایک مسافر فیری میں آگ بھڑک اٹھی جس میں کم از کم 40 مسافر ہلاک اور 200 سے زائد زخمی ہوئے ہیں۔بنگلہ دیش کی وزیراعظم حسینہ واجد نے قیمتی جانوں کے ضیاع پر دکھ کا اظہار کیا۔ انہوں نے سوگوار خاندانوں سے گہری ہمدردی کا اظہار کیا اور متعلقہ محکموں کو ہدایت کی کہ وہ زخمیوں کو فوری علاج معالجہ فراہم کریں ۔
اطلاعات کے مطابق یہ واقعہ بنگلہ دیش کے دارالحکومت ڈھاکہ سے 250 کلومیٹر جنوب میں ایک دیہی علاقے میں پیش آیا۔ متاثرین کی اکثریت آگ کی لپیٹ میں آگئی جبکہ کچھ لوگ دریا میں کودنے کے بعد ڈوب گئے۔ تاحال 70 سے زائد زخمی مسافروں کو مقامی ہسپتالوں میں پہنچایا گیا ہے جبکہ ہلاکتوں میں مزید اضافے کا خدشہ ہے۔