یوان مینگ باغ

یوان مینگ باغ

چھینگ شاہی خاندان کے دور میں تعمیر کیا گیا  شاہی باغ یعنی یوان مینگ باغ  چین کے شاہی باغات کا موتی کہلا تا ہے جس کی تعمیر میں چینی اور مغربی طرز تعمیر   شامل کئے گئے ہیں۔یہ چین کی تاریخ میں سب سے مشہور شاہی باغ ہے۔ تاہم اٹھارہ سو ساٹھ میں  برطانیہ اور فرانس کی مشترکہ فوج نے چین کے خلاف جارحانہ جنگ میں اس باغ کو  آگ لگا کر تباہ کر دیا۔اس وقت صرف کھنڈرات ہی محفوظ ہیں۔

یوان مینگ باغ بیجنگ کے شمال مغربی نواح میں واقع ہے  جو تین سو سینتالیس ہیکٹرز  کے رقبے پر محیط ہے۔اس کی تعمیر اور باغبانی   کا انداز اتنا  پرکشش اور شاندار  ہے کہ اس کی شہرت نہ صرف چین بلکہ  یورپ تک  پھیلی ہوئی ہے۔کہا جا سکتا ہے کہ اٹھارہویں صدی میں یورپ میں قدرتی باغبانی  کی ترقی پر یوان مینگ باغ کے بڑے اثرات مرتب ہوئے ہیں۔