پپلز لبریشن آرمی کی جانب سے تھین آن من سکوائر پر قومی پرچم کشائی کی تقریب کا انعقاد

یکم جنوری کی صبح  بیجنگ کےمرکز میں واقع  تھین آن من سکوائر پر قومی پرچم کشائی  کی تقریب  منعقد ہوئی۔  چین کی  پپلز لبریشن آرمی کے گارڈ آف آنر کے ایک  دستے کی جانب سے پہلی مرتبہ اس تقریب کا انعقاد کیا  گیا ہے۔ اس سے پہلے یہ فرائض  چینی مسلح پولیس کا دستہ  انجام دیا کرتا تھا۔اسی دن صبح چین کے مختلف علاقوں سے آنے والے ہزاروں شہریوں نے نئے سال میں منعقد ہونے والی  پہلی قومی پرچم کشائی کی تقریب  میں شرکت کی۔  شہریوں  نے پرجوش انداز میں   چین  زندہ باد کے نعرے لگائےاور  چین کے مستقبل کے لئےنیک خواہشات کا اظہار کیا۔