دو ہزار سترہ میں چین کی جی ڈی پی میں اضافے کی شرح چھ اعشاریہ نو فیصد رہی

چین کے قومی شماریات بیورو کی جانب سے جمعرات کے روز جاری کردہ رپورٹ کے مطابق   دو ہزار سترہ میں چین کی جی ڈی پی کی مجموعی مالیت ایک سو بیس کھرب امریکی ڈالرز تک جا پہنچی ہے جو پچھلے سال کے مقابلے میں چھ اعشاریہ نو فیصد زیادہ ہے ۔ مذکورہ بیورو کے سربراہ نینگ جی جئے نے کہا کہ چینی معیشت کی مستحکم اور پائیدار ترقی کے ساتھ ساتھ  عالمگیر  معاشی ترقی میں بھی چینی معیشت کے کردار میں اضافہ ہوا ہے ۔ انھوں نے کہا کہ دو ہزار سترہ میں چین کی برآمدات میں دس  اعشاریہ آٹھ فیصد  کا اضافہ ہوا جبکہ درآمدات میں اضافے کی شرح تقریباً بیس فیصد تک جا پہنچی ہے ۔مذکورہ اعداد و شمار سے ظاہر ہوتا ہے کہ چین کی ترقی سے چینی عوام بھی مستفید ہوئے ہیں اور   عالمی معیشت کی ترقی میں بھی چین کا کردار بڑھ  گیا ہے ۔

نینگ جی جئے نے مزید کہا کہ نئِی اور جدید ٹیکنالوجی اور تخلیق سے چین کی معاشی ترقی میں انتہائِی معاونت ملی ہے ۔ انھوں نے کہا کہ اس وقت چین کی معیشت کا بنیادی پہلو بہتر ہے اور ساختی ترتیب نو میں بھی بہتری آتی جا رہی ہے جس کے  نتیجے میں اعلی معیار اور کارکردگی کی حامل معیشت سامنے آے  گی ۔

معاشی ترقی کے ساتھ ساتھ چینی عوام کا معیار زندگی بھی مسلسل بہتر  ہو رہا ہے ۔ گزشتہ سال عوام کی آمدنی میں سات اعشاریہ تین فیصد کا اضافہ ہوا اور روز گار کے نئَے مواقعوں میں ایک کروڑ تیس لاکھ کا اضافہ ہوا ہے ۔