امریکہ موجودہ دنیا اور چین-امریکہ تعلقات کو معروضی اور دانشمندانہ انداز میں دیکھے ۔ترجمان چینی سفارت خانہ

امریکہ میں  چینی سفارت خانے کے ترجمان نے انیس تاریخ کو کہا کہ امریکہ کی جانب سے اسی دن جاری کردہ دفاعی حکمت عملی کی رپورٹ میں چین سے متعلق معاملات کا ذکر کیا گیاہے۔چین کو امید ہے کہ امریکہ عالمی  رجحانات اور عوام کی خواہشات کے مطابق معروضی اور دانشمندانہ  انداز میں  موجودہ دنیا اور چین - امریکہ تعلقات کو دیکھے گا۔
ترجمان کا کہنا ہے کہ چین اور امریکہ دونوں  دنیا کے امن و استحکام کے تحفظ اور  عالمی ترقی و خوشحالی کے فروغ کے حوالے سے  اہم ذمہ داری قبول کرتے ہیں اور وسیع پیمانے پر  مفادات شئیر کرتے ہیں۔ہمیں امید ہے کہ امریکہ عالمی  رجحانات اور عوام کی خواہشات کے مطابق معروضی  اور دانشمندانہ انداز میں  موجودہ دنیا اور چین - امریکہ تعلقات کو دیکھے گا۔امریکہ چین کے ساتھ مشترکہ کوشش کرے تاکہ چین - امریکہ تعلقات کی صحتمندانہ اور مستحکم ترقی کاتحفظ کیا جاسکے۔یہ دونوں ممالک کے عوام اور دنیا بھر میں مختلف ممالک کے عوام کے مفادات سے ہم آہنگ  درست  انتخاب ہے۔