بو آو ایشیائی فورم کی افتتاحی تقریب میں چینی صدر شی جن پھنگ کی تقریر پر عالمی برادری کی طرف سے مثبت رد عمل
2018-04-11 10:59:06
بو آو ایشیائی فورم کی افتتاحی تقریب میں چینی صدر شی جن پھنگ کی تقریر پر عالمی برادری کی طرف سے مثبت رد عمل
عالمی برادری نے دس تاریخ کو منعقد ہونے والی بو آو ایشیائی فورم کی افتتاحی تقریب میں چینی صدر شی جن پھنگ کی تقریر پر پرجوش رد عمل ظاہر کیا اور چین کی کھلی پالیسی اور دنیا کے مستقبل کے لئے چین کی تجاویز کی بہت تعریف کی گئی۔
پاک چین دوستی ایسوسی ایشن کے پاکستانی جنرل سیکریٹری علی نواز کیلانی نے کہا کہ صدر شی جن پھنگ نے اپنی تقریر میں چین کی اصلاحات کےحوالے سے جن نئے اقدامات کا ذکر کیا ، ان سے چین دنیا کے زیادہ قریب ہو گیا ہے۔ انہوں نے کہا توقع ہے کہ چین زیادہ کھلا رہے گااورچینی اصلاحات کے فروغ سےتمام ملکوں کو زیادہ مفادات حاصل ہونگے ۔بھارتی دانشور اور نہرو یونیورسٹی کے پروفیسر بالی رام دیپک نےاپنے خیالات کا اظہار کرتے ہوئے کہا کہ چینی صدر نے اپنی تقریر میں بارہا بنی نوع انسان کے ہم نصیب معاشرے اور دی بیلٹ انڈ روڈ انیشیٹیو کا ذکر کیا ہے۔ یہ تصورات علاقائی اور عالمی اقتصادی ترقی کے لئے انتہائی اہم ہیں اور ان سے ایشیا کے ساتھ ساتھ پوری دنیا مستفید ہو گی ۔