شنگھائی تعاون تنظیم کے آرٹ فیسٹول کا بیجنگ میں انعقاد

شانگھائی تعاون تنظیم کے رکن ملکوں کا   آرٹ فیسٹول تیس تاریخ کو  بیجنگ میں شروع ہو گیا ہے۔چین کے وزیر برائے ثقافت و   سیاحت  لو شو کانگ نے  آرٹ فیسٹول کی افتتاحی تقریب سے خطاب کرتے ہوئِے کہا کہ یہ   آرٹ فیسٹول شنگھائی تعاون تنظیم کے رکن ملکوں کے لیے اپنے اپنے ملک کی ثقافت اورفن    کا مظاہرہ کرنے ، دیگر ملکوں کے ساتھ دوستی اور تبادلے کو فروغ دینے کا پلیٹ   فارم ہے۔ انہوں نے امید ظاہر کی کہ آرٹ فیسٹول متعلقہ ملکوں کے عوام کے دلوں کے   درمیان پل کا کردار ادا کرے گا اور شنگھائَی تعاون تنظیم کی ترقی کے لیےبھی خدمات   انجام دے گا۔افتتاحی تقریب میں شنگھائی تعاون تنظیم کے رکن ملکوں سے آنے   والے فنی طائفوں نے اپنے اپنے ملک کی طرف سے خصوصی پروگرامز پیش کیے ۔ یکم جون کو   مختلف ملکوں کا رقص شو  بھی منعقد ہوگا ۔ آرٹ فیسٹول کے دوران شنگھائی تعاون تنظیم   کے فنکاروں اور ثقافتی ورثے کی مشترکہ نمائش اور فن سے متعلق سیمینار سمیت   دیگر سرگرمیاں بھی منعقد ہونگی۔