شنگھائی تعاون تنظیم کی چھنگ تاؤ سمٹ تاریخی اہمیت کی حامل ہے ،شی جن پھنگ
چین کے صدر شی جن پھنگ نے دس تاریخ کو کہا کہ چھنگ تاؤ سمٹ شنگھائی تعاون تنظیم میں توسیع کے بعد آٹھ باضابطہ رکن ممالک کے سربراہان کی پہلی سمٹ ہے جو تاریخی اہمیت کی حامل ہے۔ایس سی او کی طاقت میں اضافے کے ساتھ ساتھ علاقائی ممالک کے عوام اور عالمی برادری کی جانب سے ملنے والی توجہ بھی بڑھ رہی ہے۔یوں علاقائی امن و امان کے تحفظ ، ترقی و خوشحالی کے فروغ میں ایس سی او کی ذمہ داری بھی بڑھ رہی ہے۔
چین مختلف رکن ممالک کے ساتھ مل کر اس سمٹ سے استفادہ کرتے ہوئے اور ترقی کے تجربات کا جائزہ لیتے ہوئے علاقائی و عالمی صورتحال کے پیش نظر مستقبل کے تعاون کی منصوبہ بندی کرنے کا خواہاں ہے تاکہ ایس سی او مستحکم طور پر آگے بڑھے ۔
جناب شی جن پھنگ نے ایس سی او رکن ممالک کے سربراہان کی حیثیت سے پہلی بار اس سمٹ میں شرکت کرنے والے بھارتی وزیر اعظم نریندر مودی اور پاکستانی صدر ممنون حسین کا خیرمقدم کیا۔