چین میں کسانوں اور فصلوں کا فیسٹول منعقد ہو گا

چینی حکومت نے حال ہی میں  فیصلہ  کیا ہے رواں سال سے موسم خزاں میں ہر سال کسانوں اور فصلوں کے حوالے سے فیسٹول کا اہتمام کیا جائے گا ۔ چین کے وزیر زراعت ہان چھانگ فو نے اکیس تاریخ کو بیجنگ میں کہا کہ مذکورہ فیسٹول کے دوران  جدید زرعی ٹیکنالوجی ،  زرعی شعبے میں حاصل کردہ کامیابیوں ،صنعتی ترقی اور دیہاتوں میں خوشحالی کے مناظر  پر مبنی سر گرمیوں کا اہتمام کیا جائے گا ۔  جناب ہان نے کہا کہ  کسانوں اور فصلوں کے حوالےسے  فیسٹول  کا اہتمام  دیہی علاقوں کی نشاۃ ثانیہ کے لئے حکمت عملی پر عمل درآمد اور زراعت کی تیز رفتار ترقی کے لئے  مثبت اہمیت رکھتا ہے ۔ علاوہ ازیں چین کے  کروڑوں کسان اس فیسٹول سے لطف اندوز ہو سکیں گے ۔