چین اور امریکہ کے وزرائے دفاع کے درمیان بیجنگ میں ملاقات

چین کے وزیر دفاع وے فن حہ اور اُن کے امریکی ہم منصب جیمز میٹس کے درمیان  ستائیس تاریخ کو بیجنگ میں  ملاقات ہوئی۔
اس موقع پر چینی وزیر دفاع نے کہا کہ چین پرامن ترقی کی راہ پر گامزن ہے۔چینی فوج اپنے ملک کے اقتدار اعلی  ، سلامتی اور  مفادات کی محافظ ہے ۔ چین اور امریکہ عدم تصادم ، عدم محاز آرائی ،  باہمی احترام اور  باہمی مفاد  کی بنیاد پر ہی مشترکہ ترقی کر سکتے ہیں۔دونوں ممالک کی افواج کو چاہیے کہ باہمی اعتماد اور  تعاون کو مضبوط  بنائیں،ممکنہ چیلنجز  اور خطرات پر قابو پائیں تاکہ دونوں ممالک کی افواج کے تعلقات دونوں ملکوں کے درمیان مستحکم تعلقات کی بنیاد بن سکیں۔اس کے علاوہ دونوں وزرائے دفاع نے تائیوان، بحیرہ جنوبی چین  اور  جزیرہ نما کوریا سمیت دیگر امور پر بھی تبادلہ خیال کیا۔
اس موقع پر امریکی وزیر دفاع نے کہاکہ چین کی ترقی امریکہ اوردیگر دنیا کے لیے سودمند ہے۔امریکہ دونوں ممالک کی افواج کے درمیان تعلقات کو اہمیت دیتا ہے۔امریکہ پر اعتماد ہے کہ دو عظیم ملکوں کے درمیان تعاون سے عالمی امن و ترقی کو فروغ ملے گا۔