چینی وزیرخارجہ وانگ ای کی منگولیا کے ہم منصب سے ملاقات
چینی وزیرخارجہ وانگ ای کی منگولیا کے ہم منصب سے ملاقات
تیئیس اگست کو چین کے ریاستی کونسلر اور وزیرخارجہ وانگ ای نے ایولان بیٹر میں منگولیا کے ہم منصب ڈیمڈین سوگ باٹرکے ساتھ ایک مشترکہ پریس کانفرنس میں شرکت کی۔چینی وزیرخارجہ وانگ ای نے میڈیا کو بتایا ہے کہ "دی بیلٹ اینڈ روڈ "انیشیٹو ایک ایسا منصوبہ ہے، جس سے عالمی برادری فائدہ اٹھا سکتی ہے ۔یہ انیشیٹو نہ تو کوئی "مارشل پلان" ہے اور نہ ہی حغرافیائی حکمت عملی کی منصوبہ بندی ہے بلکہ چین کا پیش کردہ"دی بیلٹ اینڈ روڈ" انیشیٹو ہمیشہ کی طرح جامع مشاورت، تعمیری شراکت اور مشترکہ مفادات کے اصولوں پر مبنی ہے۔یہ اقدام عالمی اصول و ضوابط اور مختلف ممالک کے قوانین کے مطابق ہے۔
پریس کانفرنس میں چین اورمنگولیا کی "دی بیلٹ اینڈ روڈ " کی تعمیر کو آگے بڑھانے کی کوششوں کے حوالے سے چینی وزیرخارجہ وانگ ای نے کہ چین اور منگولیا نے "دی بیلٹ اینڈ روڈ" کو منگولیا کی جانب سے پیش کی گئی ترقیاتی حکمت علمی سے منسلک کرنے کے معاہدے پر دستحط کیے ہیں ۔چین منگولیا کے ترقیاتی اہداف ، ان کی تکمیل اور عوام کی ضروریات کو اہمیت دیتا ہے اور اشتراک کے اس عمل کو تیز کر کے "دی بیلٹ اینڈ روڈ" کی مشترکہ تعمیر کو لے کر آگے بڑھے گا۔ پریس کانفرنس میں دونوں ممالک کے وزرائے خارجہ نے مشترکہ طور پر اعلان کیا کہ چین اور منگولیا کے درمیان آزاد تجارت کے معاہدے کے امکانات پر غور و خوض کا باقاعدہ طور پر آغاز کر دیا گیا ہے۔