ایشیائی میڈیا کو نئے عہد میں تعاون کرتے ہوئے ایشیا کے لئے آواز بلند کرنی چاہیئے ، چائنا میڈیا گروپ کے سربراہ

چائنا میڈیا گروپ کے سربراہ شن ہائی شیونگ نے بارہ تاریخ کو چوتھے مشرقی اقتصادی فورم کے تحت سیاسی اور معاشی تبدیلی کے تناظر میں ایشیا ئی میڈیا کےمستقبل کے موضوع پر اجلاس سے خطاب کرتے ہوئے کہا کہ نئے عہد میں ایشیائی میڈیائی اداروں کو تعاون کرتے ہوئے ایشیا کی آواز کو بلند کرنے کی کوشش کرنی چاہیئے ۔
جناب شن ہائی شیونگ نے اپنے خطاب میں کہا کہ چین کی ترقی ایشیائِی ممالک اور دنیا کے مختلف ممالک کے تعاون سے الگ نہیں ہے ۔ چینی صدر شی جن پھنگ نے ایشیا اور بنی نوع انسان کے ہم نصیب معاشرے کے قیام اور دی بیلٹ اینڈ روڈ  انیشیٹو سمیت اہم تصورات پیش کئے ہیں ۔ ایشیائی میڈیا اداروں کو ایشیا کی ترقی اور ایشیا کے ہم نصیب معاشرے کے قیام کے لئے اپنی بھر پور کوشش کرنی چاہِیئے ۔ انہوں نے مزید کہا کہ اس وقت دنیا میں تبدیلی آ رہی ہے جس کے پیش نظر ایشیا کے تمام میڈیا کو تعاون کرنا چاہیئے ۔