رواں سال کے پہلے آٹھ ماہ میں چین کی بیرون ممالک سرمایہ کاری میں مستحکم طور پر اضافہ
رواں سال کے پہلے آٹھ ماہ میں چین کی بیرون ممالک سرمایہ کاری میں مستحکم طور پر اضافہ
تیرہ تاریخ کو چین کی وزارت تجارت کے جاری کردہ اعدادوشمار کے مطابق رواں سال کے پہلے آٹھ ماہ میں چین کے سرمایہ کاروں نے دنیا کے ایک سو ترپن ممالک اور علاقوں کے غیرمالیاتی شعبوں میں براہ راست سرمایہ کاری کی ہے۔مذکورہ سرمایہ کاری کا حجم مجموعی طور پر چوہتر ارب نو کروڑ امریکی ڈالرز تک پہنچا جس میں پچھلے سال کی اسی مدت کے مقابلے میں سات اعشاریہ آٹھ فیصد کا اضافہ ہوا۔چین کی وزارت تجارت کے ترجمان گاؤ فنگ نے کہا کہ چین کی جانب سے غیرممالک میں سرمایہ کاری کے شعبے میں تعاون کو مستحکم طور پر فروغ دیا جارہا ہے۔انہوں نے کہا کہ چین اور دی بیلٹ اینڈ روڈ سے وابستہ ممالک کے درمیان سرمایہ کاری کے شعبے میں تعاون مثبت طور پر آگے بڑھ رہا ہے اور بیرون ممالک سرمایہ کاری سے لگائی جانے والی صنعتوں کا ڈھانچہ بھی بہتر ہورہا ہے۔
غیرملکی سرمایہ کاری کے استعمال کے حوالے سے ترجمان گاؤ فنگ نے کہا کہ رواں سال کے پہلے آٹھ ماہ میں چین نے پانچ کھرب ساٹھ ارب تینتالیس کروڑ چینی یوان کی غیر ملکی سرمایہ کاری کا استعمال کیا،جس میں گزشتہ سال کی اسی مدت کے مقابلے میں دو اعشاریہ تین فیصد اضافہ ہوا۔چین بھر میں غیرملکی سرمایہ کاری کے ذریعے اکتالیس ہزار تین سو اکتیس نئے کاروباری ادارے قائم ہوئے،جن میں گزشتہ سال کی اسی مدت کے مقابلے میں ایک سو دو اعشاریہ سات فیصد کا اضافہ ہوا۔ انہوں نے کہا کہ چین میں غیرملکی سرمایہ کاری میں مستحکم طور پر اضافہ ہوتا رہتا ہے۔