چینی تھنک ٹینکس کے وفد کا کامیاب دورہ یورپ
چینی تھنک ٹینکس کے وفد کا کامیاب دورہ یورپ
اکیس تاریخ کو مالیاتی بینکنگ کے لئے چائناسوسائٹی کے صدر اور چین بین الاقوامی اقتصادی ایکسچینج سینٹرکے مشیر چو شیاؤ چھوان کی قیادت میں چینی تھنک ٹینکس کے وفد نے پانچ روزہ دورہ یورپ کو کامیابی سے مکمل کیا ہے۔اس دورے سے ناصرف دو طرفہ باہمی اعتماد کو مضبوط بنایا گیا ہے بلکہ مختلف شعبوں میں بھی اتفاق رائے حاصل کیا گیا ہے۔
دورہ یورپ کے دوران چینی تھنک ٹینکس کے وفد نے اعلی سطح کے کئی یورپی تھنک ٹینکس کے علاوہ یورپی کمیشن، عالمی تجارتی تنظیم اور جرمن وفاقی پارلیمنٹ کے ساتھ بھی بات چیت کی۔چینی وفد نے یورپ کے معروف ماہرین، سیاسی اور تجارتی شعبوں کے نمائندوں سےاہم معاملات پرعمیق تبادلہ خیال بھی کیا۔
وفد کے صدر چو شیاؤ چھوان نے برلن میں اس دورے کے حوالے سے کہا کہ فریقین نے چین کے قومی ملکیت کے صنعتی و کاروباری اداروں، علمی اثاثوں کے حقوق کی حفاظت، حکومت کے کردار، بڑے بینکوں کے قرضہ جات ، چین-امریکہ تجارتی تنازعات کے اثرات، چینی اقتصادی ترقی کی رفتار،عالمی تجارتی تنظیم کی اصلاحات اور کثیرالجہت پسندی سمیت دیگر اہم امور پر بات چیت کی گئی۔چینی وفد نے ان امور کے حوالے سے یورپ کے سوالات کا جواب دیا۔