چینی فوج نے امریکہ کی جانب سے پابندی پر شدید اعتراضات اٹھائے ہیں
بائیس تاریخ کو چینی مرکزی فوجی کمیشن کے بین الاقوامی فوجی تعاون کے دفتر کے نائب سربراہ ہوانگ شوئے پھنگ نے چین میں مقیم امریکی سفارت خانہ کے قائم مقام دفاعی اتاشی ڈیوڈ مینسر کو طلب کیا اور امریکہ کی جانب سے چین کے مرکزی فوجی کمیشن کے تحت تنصیبات سے متعلق محکمے اور اس محکمے کے انچارج پر لگائی گئی پابندی پر شدید اعتراضات اٹھائے ہوانگ شوئے پھنگ نے کہا کہ چین او ر روس کا فوجی تعاون بین الاقوامی قوانین کے مطابق ہے اور امریکہ کی جانب سے پابندی کے اقدامات چین اور امریکہ دونوں ممالک اور افواج کے تعلقات کے لیے بے حد نقصان دہ ہیں۔انہوں نے کہا کہ چین نے فیصلہ کیا ہے کہ امریکہ میں منعقدہ سمینار میں شریک چینی بحریہ کے کمانڈرشن جن لونگ کو فوراً وطن واپس بلالیا جائے نیز پچیس سے ستائیس ستمبر تک بیجنگ میں منعقد ہونے والے چین -امریکہ فوجی جوائنٹ اسٹاف ملاقات کےدوسرے اجلاس کو ملتوی کیا جائے گا۔چین نے امریکہ سے متعلقہ پابندی کو اٹھانے کے لیے کہا اور یہ بھی کہا کہ چینی فوج مزید جوابی اقدامات کرنے کا حق محفوظ رکھتی ہے۔
اس سے قبل چین کے نائب وزیر خارجہ زنگ زے گوانگ نے چین میں مقیم امریکی سفیر ٹیری برانس ٹد کو بھی طلب کر لیا ہے۔