چھانگ عہ فور کی چاند پر تصویر کشی
چھانگ عہ فور کی چاند پر تصویر کشی
چین کے خلائی تحقیقی مشن چھانگ عہ فور نے چاند سے پینوراما تصاویر ارسال کی ہیں۔ چین کا خلائی مشن چاند کے تاریک حصے پر لینڈنگ کے بعد سےاپنے کنٹرول روم کے ساتھ مسلسل رابطے میں ہے ۔
چین کی نیشنل اسپیس ایڈمنسٹریشن نے جمعے کے روز چھانگ عہ کی جانب سے ارسال کی گئی 360 ڈگری زاویے پر کھینچی گئی مسلسل تصاویر جاری کیں۔ یہ تصاویر چاند گاڑی پر نصب ایک جدید ترین کیمرے کی مدد سے اتاری گئی ہیں۔
ان تصاویر کو زمین سے چار لاکھ پچپن ہزار کلومیٹر کی دوری پر موجود جدید ترین سیٹیلائیٹ چوئے چیاو کی مدد سے ارسال کیا گیا ہے۔
چین کے خلائی تحقیقی ادارے کے مطابق سورج کی تیز شعاعوں کی وجہ سے اس جگہ کا درجہ حرارت 100 ڈگری سینٹی گریڈ تک بڑھ گیا تھا تاہم چھانگ عہ فور مشن سے منسلک سیٹلائیٹ اور یوتو روبوٹک گاڑی بہترین انداز میں اپنا مطلوبہ کام کر رہےہیں۔