امریکہ کی جانب سے چینی کمپنیوں پر بے بنیاد دباؤ سے غیرملکی سرمایہ کاروں کے اعتمادکو نقصان پہنچے گا،چین کی وزارت خارجہ
چین کی وزارت خارجہ کی ترجمان ہوا چھون اینگ نے تیئیس تاریخ کو رسمی پریس کانفرنس میں کہا کہ امریکہ نے چینی کمپنیوں پر اپنی مرضی کے مطابق الزامات لگائے اور بے بنیاد دباؤ ڈالا بے شک اس سے امریکی پالیسی اور منڈی پر چین کے سرمایہ کاروں کے اعتماد کو نقصان پہنچا ہے اور امریکی منڈی پر دوسرے ممالک کے سرمایہ کاروں کے اعتماد کو بھی ٹھیس پہنچے گا۔
نیویارک ٹائمز نے گزشتہ روز متعلقہ ڈیٹا کے حوالے سے ایک رپورٹ پیش کی ہے کہ چین امریکہ کشمکش کے باعث امریکہ کے اندر چین سے آنے والی سرمایہ میں تقریباً نوے فیصد کی بڑی کمی آئی ہے۔
متعلقہ رپورٹ کے مطابق ہوا چھون اینگ نے کہا کہ متعلقہ ڈیٹا کاابھی تک ہم نے پوری طرح جائزہ نہیں لیا ہے تاہم رپورٹ میں اس بات کا ذکر کیا گیا ہے کہ امریکی حکومت کی جانب سے چین کی سرمایہ کاری پر پابندی سے امریکہ کے نسبتاً پسماندہ علاقوں کونقصان پہنچا ہے اور چین کی سرمایہ کاری میں کمی سے امریکہ کے سائنس و ٹیکنالوجی کے صنعتی اداروں پر بھی منفی اثرات پڑے ہیں۔