چین کے شعبہِ ڈاک کی تیز رفتار ترقی

چین کے قومی ڈاک بیورو کے ڈائریکٹر ما جون شینگ نے سترہ ستمبر کو بیجنگ میں اپنے ایک بیان میں کہا کہ عوامی جمہوریہ چین کے قیام کے بعد گزشتہ ستر سالوں میں ملک میں پوسٹل خدمات کی مجموعی تعداد سات ہزار سات سو گنا سے زیادہ بڑھ چکی ہے۔تحصیل اور قصبوں میں ایکسپریس شاپس کی شرح کوریج پچانوے فیصد سے زیادہ ہے اور دیہات تک ڈاک کی براہ راست رسائی بنیادی طور پر مکمل ہوچکی ہے۔ اس وقت چین میں ہوا بازی ، ریلوے اور شاہراہوں سمیت نقل و حمل کے مختلف طریقوں پر مشتمل شہری اور دیہی علاقوں کو جوڑنے والی ڈاک اور ایکسپریس سروس کا ایک جامع و جدید نیٹ ورک وجود دمیں آیا ہے ۔اطلاع کے مطابق تاحال چین نےڈاک کے ذریعے دنیا کے دو سو سے زیادہ ممالک اور خطوں کے ساتھ تعلقات قائم کیے ہیں۔