آزاد ی اظہار کی بنا پر اقتدار اعلی کو چیلنج مت کیا جائے : چائناسینٹرل ٹی وی کا تبصرہ
این بی اے کے کمشنر ایڈم سلور نے حال ہی میں اپنے بیان میں ہیوسٹن راکٹ کلب کے جنرل مینجر ڈاریل موری کے نام نہاد آزادی اظہار کی حمایت کی جس کے بعد آٹھ اکتوبر کو چائنا میڈیا گروپ کے سی سی ٹی وی اسپورٹس چینل نے این بی اے کے مقابلوں کی نشریات معطل کرنے کا اعلان کیا ۔ چین کی وزارت خارجہ کے ترجمان نے واضح طور پر کہا کہ چین کے ساتھ تبادلے اور تعاون کے دوران چینیوں کے خیالات سے واقف ہونا چاہیئے ۔
اس حوالے سے تبصرے میں کہا گیا ہے کہ مساوات اور احترام کو باہمی طور پر ہونا چاہیئے ۔ ڈاریل موری کے غلط بیان نے چین کے اقتدار اعلی اور چینی قوم کے وقار کا احترام نہیں کیا اور ایڈم سلور نےمساوی رویے کے بجائے دوسرے ممالک کے اقتدار اعلی کے حوالے سے اشتعال انگیزی کرتے ہوئے چینی عوام کے جذبات کو مجروح کرنے والے بیانات دیئے ۔اس مسلے پر چینی عوام کبھی پیچھے نہیں ہٹیں گے۔
ایک طرف این بی اے کا کہنا ہے کہ ان کے لیے چین کی ایک ارب چالیس کروڑ آبادی کی بڑی منڈی بہت اہمیت رکھتی ہے لیکن دوسری طرف چین کے قومی مفادات اور چینی عوام کے جذبات کا احترام نہیں کیا جا تا ہے ۔ تو پھراس کا خمیازہ وہ خود بھگتیں گے