شی جن پھنگ : ذاتی مفادات کی بجائے بنی نوع انسان کو اولین ترجیح دینی چاہیئے

چینی صدرشی جن پھنگ نے پانچ نومبرکو شنگھائی میں دوسری بین الاقوامی درآمدی ایکسپو کی افتتاحی تقریب سے خطاب کرتے ہوئے کہا کہ عالمی معیشت کو درپیش مشکلات کو کوئی بھی ایک ملک حل نہیں کر سکتا ۔مختلف ممالک کو اپنے ذاتی مفادات کی بجائے بنی نوع انسان کے مفادات کو ترجیح دینی چاہیئے ۔

مختلف فریقین کو مزیدکھلے طرزِ عمل اور اقدامات سے عالمی منڈی کو اور بھی زیادہ وسعت دینی چاہیئے ، عالمی اشتراکی نظام کو مضبوط اور تعاون کے طریقہ کار کو لچکدار بنانا چاہیئے۔ انہوں نے کہا کہ اقتصادی عالمگیریت کی قوتِ متحرکہ کو مزید طاقتور بنانے اور تجارتی رکاوٹوں میں کمی کے لیے مشترکہ کوشش کی جانی چاہیئے۔