گزشتہ دس ماہ میں چین میں غیرملکی سرمایہ کاری چھ اعشاریہ چھ فیصد بڑھی ہے

چین کی وزارت تجارت کی جانب سے اٹھارہ نومبر کو جاری کردہ اعدادوشمار کے مطابق رواں سال جنوری سے اکتوبر تک ملک میں مستعمل غیرملکی سرمایہ کاری کی کل مالیت سات کھرب باون ارب اکتالیس کروڑ چینی یوان رہی جو کہ پچھلے سال کی اسی مدت سے چھ اعشاریہ چھ فیصد زیادہ ہے۔ خدمات اور اعلی ٹیکنالوجی کے شعبوں میں غیرملکی سرمایہ کاری کا اضافہ نسبتاً تیز رہا۔

وزارتِ تجارت کے محکمہ برائے غیرملکی سرمایہ کاری کے سربراہ زونگ چھانگ چھنگ نے کہا کہ دی بیلٹ اینڈ روڈ سے وابستہ ممالک کی جانب سے سرمایہ کاری میں انیس اعشاریہ تین فیصد کا اضافہ ہوا ہے۔اگرچہ پوری دنیا میں سرحد پار سرمایہ کاری اتنی اطمینان بخش نہیں ،لیکن چین میں ہونےوالی غیرملکی سرمایہ کاری مستحکم طور پر آگے بڑھی ہے۔ انہوں نے کہا کہ اس وقت چین میں سرمایہ کار ی کے لیے عالمی سرمایہ کاروں کا اعتماد برقرار ہے اور توقع ہے کہ رواں سال غیرملکی سرمایہ کاری کو راغب کرنے کا ہدف حاصل ہو جائے گا۔