چین کی ترقی کو روکنے کے لئے ہانگ کانگ کے امور میں امریکی مداخلت کی کوششیں ناکام ہونگی ،ہانگ کانگ کی رائے عامہ

حالیہ دنوں ہانگ کانگ میں مختلف شعبہ ہائے زندگی سے تعلق رکھنے والے افراد نے کہا ہے کہ امریکہ نے چین کی ترقی کو روکنے کے لئے ہانگ کانگ کے امور میں مداخلت کی کوشش میں نام نہاد " ہانگ کانگ انسانی حقوق اور جمہوریت بل" کو قانونی شکل دی ہے۔امریکی اقدام کا مقصد چین کی ترقی کے راستے میں رکاوٹ ڈالنا ہے۔ ہانگ کانگ کے تمام حلقوں کا خیال ہے کہ امریکہ نے حقائق میں رد و بدل کرتے ہوئے تشدد کے خاتمے کے حوالے سے ہانگ کانگ کےعوام کی خواہش کو نظر انداز کیا ہے جو چین کے اندرونی معاملات میں مداخلت کے مترادف ہے اور یہ جمہوریت اور انسانی حقوق کے لئے ایک ستم ظریفی ہے۔