شنگھائی تعاون تنظیم کا وبا کی روک تھام میں چین کا ساتھ دینا رکن ممالک کی دوستی کا بھر پور اظہار ہے

چودہ فروری کوچینی وزارت خارجہ کے ترجمان گنگ شوانگ نے کہا کہ حالیہ دنوں شنگھائی تعاون تنظیم نے وبا پر قابا پانے کے لیے چین کی حمایت میں ایک بیان جاری کیا جوشنگھائی تعاون تنظیم کے رکن ممالک کی جانب سے دکھ سکھ میں ایک دوسرے کے ساتھ کھڑے ہونے کی بہترین روایت کا مظہر ہے۔ گنگ شوانگ نے کہا کہ وبا پھوٹنے کے بعد شنگھائی تعاون تنظیم کےسربراہان نے اظہارِ ہمدردی کے لیےخطوط بھیجے جس میں انہوں نے وبا پر قابو پانے کے لیے چین کے اختیار کردہ اقدامات کو سراہا اور چین کے لیے مدد کی فراہمی کا بھی اظہار کیا ہے ۔ چین وبا کی روک تھام کے لیے شنگھائی تعاون تنظیم سمیت عالمی برادری کے ساتھ قریبی تعاون کرنے پر تیار ہے