چین: 13 ویں قومی عوامی کانگریس کے تیسرے اجلاس کے منتظمین کی پریس کانفرنس

چین کی تیرہویں قومی عوامی کانگریس کے تیسرے اجلاس کے منتظمین کی جانب سے 21 مئی کو بذریعہ آن لائن ویڈیو پریس کانفرنس کا انعقاد کیا گیا۔

اجلاس کے ترجمان چانگ اِی سوُئی نے کانفرنس کے ایجنڈے سے متعلق صورتحال کا تعارف پیش کرتے ہوئے بتایا کہ 7 روزہ کانفرنس 22 مئی کی صبح شروع ہوگی اور 28 تاریخ کی سہ پہر کو اختتام پذیر ہوگی، جبکہ اس دوران 3 مکمل اجلاسوں کا اہتمام کیا جائے گا۔

ترجمان نے بتایا کہ کانفرنس کے ایجنڈے میں 9 نکات شامل ہیں جن میں حکومتی کارکاردگی کی رپورٹس کا جائزہ بھی شامل ہے۔ انہوں نے کہا کہ چین کی دفاعی اخراجات کی مجموعی رقم معتدل اور چین کی فی کس آمدنی سے مطابقت رکھتی ہے۔

ترجمان نے بتایا کہ 2019ء میں چین کے دفاعی اخراجات امریکی دفاعی اخراجات کے صرف ایک چوتھائی حصے کے مساوی رہے۔ انہوں نے کہا کہ چینی سول کوڈ کے مسودے میں کل 7 ابواب شامل کئے گئے ہیں، جبکہ تالیف کے عمل میں عوامی سطح پر 10 بار مشاورت کی گئی ہے۔