دو ہزار انیس کے دوران چین کے اہم اقتصادی و سماجی ترقیاتی اہداف کی تکمیل

چینی وزیر اعظم لی کھہ چھیانگ نے بائیس تاریخ کو کہا کہ دو ہزار انیس میں چین کی ترقی کو درپیش بےشمار مشکلات اور چیلنجوں کے باوجود چین نے اہم سالانہ اہداف کی تکمیل کی ہے۔ چین کی مجموعی اقتصادی کارکردگی مستحکم ہے اور لوگوں کے معیار زندگی میں مزید بہتری آئی ہے ، جس سے ایک خوشحال چین کے جامع قیام کی فیصلہ کن بنیاد رکھی گئی ہے۔

دو ہزار انیس میں ، چین کی جی ڈی پی میں چھ اعشاریہ ایک فیصد کا اضافہ ہوا ۔ شہروں اور دیہی علاقوں میں ایک کروڑ پینتیس لاکھ بیس ہزار روز گار کے نئے مواقع فراہم کئے گئے ، دیہی علاقوں میں غربا ء کی تعداد میں ایک کروڑ دس لاکھ نوے ہزار کی کمی ہوئی اور شہریوں کی فی کس ڈسپوزایبل آمدنی تیس ہزار چینی یوآن سے تجاوز کر گئی ہے۔