انسداد وبا کے لئے چین کی حمایت جاری رکھی جائے گی، عالمی ادارہ صحت

بیجنگ میں موجودہ وبائی صورتحال کے تناظر میں عالمی ادارہ صحت کے ایمرجنسی پروگرام کی تکنیکی ڈائریکٹر ماریہ وان کوکوف نے پندرہ تاریخ کو کہا کہ بیجنگ نے انسداد وبا کا ایک جامع نظام اپنایا ہے۔ اس سے قبل سنگاپور ، جاپان اور جرمنی جیسے متعدد ممالک کو بھی ایسےہی حالات کا سامنا کرنا پڑا تھا۔ہر  ملک کو  متاثرہ مریضوں کی شناخت اور ان کی نگہداشت کے لیے تیار رہنا چاہیے ،مصدقہ مریضوں کے ساتھ قریبی رابطے میں رہنے والے افراد سے باخبر رہنا لازم ہے۔ انہوں نے ایسے ممالک کو وبا کی دوسری لہر سے متعلق  خبردار کیا جہاں وائرس  کی روک تھام میں کامیابی حاصل کی گئی ہے۔

عالمی ادارہ صحت کے ایمرجنسی پروگرام کے سربراہ مائیکل ریان نے کہا کہ گزشتہ چھ ماہ کے دوران چین نے کووڈ-۱۹ سے نمٹنے میں کافی تجربات حاصل کیے  ہیں۔چین میں متعلقہ ادارے  وبا کی تحقیقات اور کنٹرول میں مصروف ہیں۔عالمی ادارہ صحت چین کی حمایت جاری رکھے گا۔