خوشحالی کے حصول کے راستے میں کوئی بھی پیچھے نہیں رہے گا

رواں سال چین میں غربت کے خاتمے اور خوشحال معاشرے کے قیام کا سال ہے ۔ چینی کمیونسٹ پارٹی کی قیادت میں تمام لوگوں کی مشترکہ جدوجہد کے نتیجے میں چین کے غریب علاقوں میں نمایاں تبدیلی آئی ہے ۔ صوبہ سی چھوان کے مئے شان شہر میں اچار تیار کرنے کا ایک کارخانہ ہے ۔ اس کارخانے کی خصوصیت یہ ہے کہ عملے کا ایک تہائی حصہ معذور ملازمین پر مشتمل ہے۔ جس کی تعداد چار سو انہتر ہے ۔ اس وقت اس کارخانے کی پیداوار اچار بنانے والی صنعت میں سرفہرست ہے ۔ خوشحالی اور ترقی کے راستے میں کوئی بھی پیچھے نہیں رہے گا ۔ بتایا گیا ہے کہ اس کارخانے میں ان خصوصی ملازمین کی اوسط تنخواہ چھبیس سو یوان سے بھی زیادہ ہے ۔ اس کے علاوہ رہائش اور کھانے پینے کی چیزیں انہیں کارخانے کی جانب سے مفت ملتی ہیں ۔ اس طرح ان کے خاندان اب بہت خوشحال ہو رہے ہیں ۔