چین کی جانب سے زمبابوے کو انسداد وبا سے متعلق ٹیسٹنگ کٹس اوردیگر امدادی سامان کا عطیہ

اکیس تاریخ کو زمبابوے میں چینی سفارت خانے نے انسداد وبا کے لیے ٹیسٹ کٹس ، میڈیکل ماسک اور دستانوں سمیت طبی امدادی سامان زمبابوے کی حکومت اور حکمران جماعت زمبابوے افریقی نیشنل یونین - پیٹریاٹک فرنٹ (زمبابوے لیگ) کے حوالے کیا۔

زمبابوے کے صدر مننگاگوا نے ایوان صدر میں منعقدہ سامان حوالہ کرنے کی تقریب میں زمبابوے کی کووڈ-۱۹ کی وبا کے خلاف لڑائی کے لئے مسلسل حمایت پر چین کا تہہ دل سے شکریہ ادا کیا۔

انہوں نے کہا کہ وبا پھیلنے کے بعد ، عالمی برادری کے متعدد ممالک نے زمبابوے کو امداد فراہم کی ہیں ، لیکن چین واحد ملک ہے جس نے اس وبا سے لڑنے میں زمبابوے کی حکومت اور لوگوں کی مسلسل مدد کی ہے ، جو دونوں ممالک کے مابین اعلی سطحی دوستی اور باہمی اعتماد کی عکاسی کرتا ہے۔

زمبابوے میں چین کے سفیر گوؤ شاؤ چھون نے کہا کہ چین زمبابوے کے ساتھ مل کر اس وبا سے لڑنے کے لئے کام کرتا رہے گا اور زمبابوے کو اپنی صلاحیت کے مطابق مدد فراہم کرتا رہے گا۔ اس کے ساتھ ساتھ ، چین زمبابوے کے ساتھ مشترکہ کوشش کرے گا کہ موجودہ تعمیر کی جانے والی زمبابوے کی پارلیمنٹ کی نئی عمارت ، وانگئی کوئلے سے چلنے والے پاور اسٹیشن ، اور موگابے بین الاقوامی ہوائی اڈے سمیت تعاون کے منصوبوں پر نئی پیشرفت حاصل کی جاسکے اور زمبابوے کی اقتصادی و سماجی ترقی کو فروغ دیا جاسکے ۔