چین امید اور یقین رکھتا ہے کہ علاقائی امن و استحکام کو برقرار رکھنے کے لئے بھارت ٹھوس اقدامات اٹھاسکتا ہے، چینی وزارت خارجہ

چین کی وزارت خارجہ کے ترجمان وانگ وین بین نے بائیس تاریخ کو بیجنگ میں کہا کہ چین کو امید اور یقین ہے کہ عالمی کثیرالجہتی کے عمل میں ایک اہم قوت کی حیثیت سے ، بھارت آزاد خارجہ پالیسی پر عمل پیرا ہوسکتا ہے ، عملی اقدامات سے علاقائی امن و استحکام برقرار رکھ سکتا ہے اور بین الاقوامی امور میں تعمیری کردار ادا کرسکتا ہے۔

اطلاع کے مطابق بیس تاریخ کو بھارتی وزیر خارجہ ایس جےشنکرنےایک اجلاس میں شرکت کے دوران کہا کہ بھارت کبھی بھی اتحادی نظام کا حصہ نہیں رہا اور نہیں ہوگا۔ اس کے برعکس ، جو ممالک امریکہ پر انحصار کرتے ہیں ان کو بھی پتہ چلے گا کہ انہیں اپنی ذمہ داریاں خود نبھانی چاہیے۔