ہیوسٹن میں چینی قونصل خانے کی بندش پر نیویارک میں چینی قونصل خانےکے ترجمان کا بیان

چوبیس جولائی کو نیو یارک میں چینی قونصل خانے کے ترجمان نے امریکہ کی جانب سے ہیوسٹن میں چینی قونصل خانے کو بند کرنے کے حوالے سے بیان دیتے ہوئے کہا کہ امریکہ نے اکیس جولائی کو ہیوسٹن میں چینی قونصل خانے کو بند کردیا، جو کہ امریکہ کی جانب سے یکطرفہ طور پر چین کے خلاف شروع کی گئی ایک سیاسی اشتعال انگیزی ہے ۔ یہ ناصرف بین الاقوامی قوانین و تعلقات کے بنیادی اصولوں کی سنگین خلاف ورزی ہے، بلکہ یہ چین-امریکہ قونصلر معاہدے کی متعلقہ دفعات کی بھی سنگین خلاف ورزی ہے۔یہ بہت ہی غیر معقول اور غیر مہذب طرزِ عمل ہے۔چین نے اس کی سخت مذمت کرتے ہوئے امریکہ پرزور دیا کہ وہ فوری طور پر اس غلط فیصلے کو واپس لے۔