چین کے بین الاقوامی سروس تجارتی میلے کی میڈیا رجسٹریشن کا آغاز

ستائیس جولائی کو چین کے بین الاقوامی سروس تجارتی میلے کے نیوز سینٹر کی جانب سے مطلع کیا گیا ہے کہ رواں سال چین کے بین الاقوامی سروس تجارتی میلے کی میڈیا رجسٹریشن کا عمل ستائیس جولائی سے بیس اگست تک جاری رہے گا۔ وبا کی وجہ سے چین کے بین الاقوامی سروس تجارتی میلے ۲۰۲۰ کی رپورٹنگ کے لیے چینی صحافیوں ، چائنیز مین لینڈ میں مقیم غیرملکی صحافیوں، ہانگ کانگ ، مکاؤ خصوصی انتظامی علاقے اور تائی وان کے صحافیوں کو دعوت دی جائے گی ۔

اطلاعات کے مطابق ،اسی دوران یہ صحافی چین کے بین الاقوامی سروس تجارتی میلے کی سرکاری ویب سائٹ www.ciftis.org پر میڈیا رجسٹریشن کر واسکیں گے۔

منصوبے کے مطابق چین کا بین الاقوامی سروس تجارتی میلہ برائے سال۲۰۲۰ستمبر میں بیجنگ میں منعقد ہو گا۔