ذاتی مفادات کے لیےچین امریکہ تعلقات کواستعمال نہیں کیا جانا چاہیے،چینی وزارت خارجہ

تیس جولائی کو چین کی وزارت خارجہ کی پریس کانفرنس میں ایک صحافی نے سوال کیا کہ امریکہ کے سابق سفارتکار کا کہنا ہے کہ امریکی وزیر خارجہ مائیک پومپیو کی حالیہ تقریر تاریخ اور حقائق کی نفی ہے۔چین کے ساتھ روابط کی امریکی پالیسی مجموعی طور پر کامیاب ہے۔ اس پر چین کا کیا تبصرہ ہے۔وزارت خارجہ کےترجمان وانگ ون بن نے کہا کہ حالیہ دنوں امریکہ میں پومپیو کی تقریر پر ہر کسی کی جانب سے تنقید کی جا رہی ہے۔اس سے ظاہر ہوتا ہے کہ چین امریکہ تعلقات کی ترقی کو مسترد کرنے اور نظریاتی محاذ آرائی پیدا کرنے کو عوام کی حمایت نہیں حاصل ہے۔

انہوں نے کہا کہ چین امریکہ تعلقات دونوں ممالک کے عوام کی فلاح و بہبود اور عالمی امن و استحکام سے منسلک ہیں اور انہیں بعض شخصیات اور سیاسی قوتوں کے ذاتی مفادات کے حصول کے لیے استعمال نہیں کیا جانا چاہیے ۔