کوئی ملک یا کوئی بھی فرد چینی قوم کے نشاۃ ثانیہ کی طرف بڑھتے قدموں کو نہیں روک سکتا

اٹھائیس جولائی کو چینی کمیونسٹ پارٹی کی مرکزی کمیٹی کے جنرل سیکریٹری شی جن پھنگ نے کہا کہ موجودہ اقتصادی رجحان کو صحیح طور پر سمجھتے ہوئے اصلاحات کو مزید مستحکم کرنے کی کوشش کی جائے ۔ درپیش چیلنجز کا مقابلہ کرنے کے لیے چین کے پاس پختہ عزم اوربھرپور طاقت ہے ۔ کوئی بھی ملک یا کوئی بھی شخص چینی قوم کے نشاۃ ثانیہ کی طرف بڑھتے قدموں کو نہیں روک سکتا ۔

اسی دن چینی کمیونسٹ پارٹی کی مرکزی کمیٹی نے چینی کمیونسٹ پارٹی سےغیر وابستہ شخصیات کے ساتھ ایک سمپوزیم کا انعقاد کیا۔جناب شی جن پھنگ نے اس سمپوزیم کی صدارت کی ۔اس موقع پر انہوں نے موجودہ اقتصادی صورتِ حال اور رواں سال کے دوسرے نصف میں اقتصادی کارکردگی کے حوالے سے ان شخصیات کی آرا سنیں ۔