صوبہ نینگ شیا کی ہائی یوان کاونٹی مویشیوں کی افزائش سے خوشحالی کی راہ پر گامزن

ہائی یوان کاونٹی چین کے نینگ شیا ہوئی خود اختیار علاقے میں غریب ترین علاقہ تھا ۔ یونیسکو نےاسے "انسانی رہائش کے لئے نا مناسب" قرار دیا تھا ، لیکن اب اس علاقے کی ایک نئی صورت دیکھی جا سکتی ہے۔

حالیہ برسوں میں حکومت کی حمایت اور صنعتی و کاروباری اداروں کی مدد سے ہائی یوان کاونٹی نے گائے کی افزائش اور اس سے وابستہ صنعت کے ذریعے بہت ترقی کی ہے ۔ اس طرح مقامی لوگ غربت سے نجات پا چکے ہیں ۔ اس وقت یہ صنعت ہائی یوان کی تیز رفتار معاشی ترقی اور شہریوں کی آمدن میں اضافے کا اہم "انجن" بن چکی ہے ۔