سنگاپور کے قیام کی 55 ویں سالگرہ کے موقع پر سنگاپور کی صدر کے نام چینی صدر شی جن پھنگ کا تہنیتی پیغام

9 اگست کو چینی صدر شی جن پھنگ نے سنگاپور کی صدر محترمہ حلیمہ یعقوب کو جمہوریہ سنگاپور کے قیام کی 55 ویں سالگرہ کے موقع پر ایک تہنیتی پیغام بھیجا ۔

شی جن پھنگ نے اپنے تہنیتی پیغام میں اس بات کی نشاندہی کی کہ اپنے قیام کے بعد گزشتہ 55 سالوں میں سنگا پور نے ترقی کا وہ راستہ اپنایا ہے جو اس کے اپنے زمینی حقائق کے مطابق ہے ۔سنگاپور قومی تعمیر کے راستے پر مسلسل کامیابیاں سمیٹ رہا ہے ۔چین اس کی تعریف کرتا ہے۔ چین اور سنگاپور کے تعلقات وقت کے ساتھ آگے بڑھ رہے ہیں اور مختلف شعبوں میں تعاون قریب تر اور گہرا ہوتا جارہا ہے۔خاص طور پر ، "دی بیلٹ اینڈ روڈ" کی مشترکہ تعمیر میں ثمر آور نتائج برآمد ہوئے ہیں۔ نوول کورونا وائرس پھوٹنے کے بعد سے ، دونوں ممالک نے وبا کےانسداد اور ترقیاتی تعاون میں پیش قدمی کی ہے۔میں چین سنگاپور تعلقات کی ترقی کو بہت اہمیت دیتا ہوں اور اس سال دونوں ممالک کے مابین سفارتی تعلقات کے قیام کی 30 ویں سالگرہ کے موقع پر چین اور سنگاپور کے تعلقات کو ایک نئی بلندی پر پہنچانے کے لئے آپ کے ساتھ مل کر کام کرنے کیلئے تیار ہوں۔

اسی دن چینی وزیر اعظم لی کھہ چھیانگ نے بھی سنگاپور کے ہم منصب کو ایک تہنیتی پیغام بھیجا اور سنگاپور کے قیام کی پچپن ویں سالگرہ کی مبارک باد دی۔