چین میں فریٹ ٹرینوں کے حجم میں نمایاں اضافہ

چین کے قومی محکمہ ریلوے نے نو تاریخ کو بتایا کہ جولائی میں بھی فریٹ ٹرینوں کے حجم میں مسلسل اضافے کا رحجان برقررا رہا ہے۔ فریٹ ٹرینوں سے بتیس کروڑ ٹن سامان کی ترسیل ہوئی ہے، جس میں سالانہ بنیادوں پر 8.5 فیصد کا اضافہ ہوا ہے۔ مئی سے جولائی تک ریکارڈ اضافہ ہوا ہے جس کی بدولت ملکی اور بین الاقوامی ہموار سپلائی چین اور معیشت کی مستحکم بحالی میں مدد ملی ہے۔

متعلقہ اہلکار کے مطابق محکمہ ریلوے نے وبا کی روک تھام اور کنٹرول ، سیلاب سے بچاؤ اور تباہی سے نمٹنے اور نقل و حمل کے تحفظ کے لیے مارکیٹ کی طلب پر مبنی کارگو ٹرانسپورٹ کے ڈھانچے کو مزیدمضبوط بنایا ہے ، مستحکم قومی معاشی و پیداواری سرگرمیوں اور عوام کی ضروریات کو پورا کرنے کی کوشش کی گئی ہے۔ریلوے فریٹ کے حجم میں مستقل اور مستحکم اضافہ اور اعلی سطح پر آپریشنل سرگرمیوں کو برقرار رکھنا ، چینی معیشت میں متوازن بہتری کا عکاس ہے۔