​چین کھلے پن کو وسعت دیتا رہے گا، چینی وزارت خارجہ

چینی وزارت خارجہ کے ترجمان چاو لی جیان نے تیرہ تاریخ کو رسمی پریس کانفرنس میں کہا کہ چین کھلے پن کی پالیسی پر قائم رہے گا۔یقین ہے کہ مختلف ممالک کے ساتھ تعاون کے ذریعے مشترکہ مفادات کے حصول میں زیادہ سے زیادہ پیش رفت حاصل ہوں گی۔

امریکہ-چین قومی تجارتی کمیشن کے گیارہ تاریخ کے جاری کردہ سروے کے مطابق سروے میں شریک ستر فیصد سے زائد امریکی کاروباری ادارے اگلے پانچ سالوں کے لیے چین کی مارکیٹ سے پر امید ہیں۔ سروے میں شریک ستاسی فیصد سے زائد کاروباری اداروں کا اپنے کارخانوں کو چین سے منتقل کرنے کا کوئی ارادہ نہیں۔اس حوالے سے چاو لی جیان نے کہا کہ اس سروے سے ثابت ہوتا ہے کہ عالمی برادری چین کی مارکیٹ ، چین میں کاروباری ماحول اور چینی معیشت کی ترقی پر پختہ اعتماد رکھتی ہے۔ انہوں نے کہا کہ چین نے کھلے پن کو وسعت دی ہے اور دوسرے ممالک کے ساتھ تجارتی تعاون کو آگے بڑھایا ہے، جس سے عالمی مانگ کی حوصلہ افزائی ہوئی ہے اور عالمی تجارت کو فروغ ملا ہے ۔ترجمان نے کہا کہ چین کی معیشت وبا کی بڑی آزمائش پر پوری اتری ہے اور اس نے ترقی کے بے شمار امکانات ظاہر کیے ہیں۔چین کے پاس ایک ارب چالیس کروڑ کی آبادی کی حامل وسیع منڈی اور بہترصنعتی تنصیبات ہیں۔چین کاروباری ماحول کو بہتر بنائے گا۔یقین ہے کہ چین کی ترقی سے مختلف ممالک کے کاروباری اداروں کو زیادہ مواقع حاصل ہوں گے۔