چین انسداد وبا میں پاکستان کے ساتھ تعاون جاری رکھے گا، چینی وزارت خارجہ

چینی وزارت خارجہ کے ترجمان چاو لی جیان نے چودہ تاریخ کو رسمی پریس کانفرنس میں چین اور پاکستان کے درمیان انسداد وبا کے تعاون کے حوالے سے سوال کا جواب دیتے ہوئے کہا کہ چین پاکستان کے ساتھ مل کر وبا کے خلاف جدوجہد جاری رکھےگا، سازوسامان کی فراہمی ، تجربات کے تبادلے ، چینی روایتی ادویہ اور ویکسین کی تیاری سمیت مختلف شعبوں میں تعاون کو وسعت دےگا ، تاکہ وبا کے خلاف ختمی فتح حاصل ہو۔

ترجمان چاو لی جیان نے آج کی رسمی پریس کانفرنس میں پاکستانیوں کو یوم آزادی کی مبارک باد دی۔انہوں نے اس یقین کا اظہار کیا کہ پاکستان ضرور قومی ترقی کے راستے پر تیز ی سے پیش رفت حاصل کرے گا۔ان کی دعا ہے کہ چین پاک دوستی مضبوط سے مضبوط ہوتی رہے۔