ستر سے زائد مرکزی بینکوں یا مانیٹری اتھارٹیز نے آر ایم بی کو زر مبادلہ کے ذخائر میں شامل کیا

چین کے مرکزی بینک نے چودہ تاریخ کو دو ہزار بیس کے لیے آر ایم بی کی انٹرنیشنلائزیشن رپورٹ جاری کی ۔غیرمکمل اعدادوشمار کے مطابق اس وقت پوری دنیا میں ستر سے زائد مرکزی بینکوں یا مانیٹری اتھارٹیز نے آر ایم بی کو زرمبادلے کے ذخائر میں شامل کیا ہے۔

رپورٹ میں نشاندہی کی گئی ہے کہ دو ہزار انیس میں آر ایم بی کا سرحد پار استعمال تیزی سے بڑھا ہے۔آر ایم بی سے کی جانے والی ادائیگی کی کل مالیت نے تاریخی ریکارڈ قائم کیا ہے۔

دو ہزار انیس کے اواخر تک چین کے مرکزی بینک نے کل انتالیس ممالک یا علاقوں کے مرکزی بینکوں یا مانیٹری اتھارٹیز کے ساتھ دوطرفہ کرنسی تبادلہ معاہدوں پر دستخط کیے جن میں اہم ترقی یافتہ معیشتیں اور نئی ابھرتی معیشتیں اور آف شور آر ایم بی منڈی کے مقامات شامل ہیں۔