چینی مارکیٹ میں چینی برانڈ کی گاڑیوں کی تعداد پچاس فی صد سے زائد ہے
چودہ تاریخ کو چین کے شہر شنگھائی میں منعقدہ ۲۰۲۰ چینی گاڑیوں کے فورم میں چینی آٹو مینوفیکچررز ایسوسی ایشن کے ایگزیکٹو نائب صدر فو بینگ فونگ نے کہا کہ چینی مارکیٹ میں چینی برانڈ کی گاڑیوں کی تعداد پچاس فی صد سے زائد ہے ان میں سے مسافر بردار گاڑیوں کی مارکیٹ میں چینی برانڈ کی گاڑیوں کا تناسب تقریباً چالیس فی صد ہے ۔
۲۰۰۹ سے گیارہ سالوں تک چین میں ہر سال فروخت کی گئی گاڑیوں کی تعداد دنیا کے پہلے نمبر پر رہی ہے ۔ اور دنیا میں گاڑیوں کی کل فروخت کا ایک تہائی ہے ۔ توقع ہے کہ رواں سال کے اختتام تک چین میں گاڑیوں کی تعداد ستائیس کروڑ ہو گی ۔
ورلڈ اکنامک فورم کی ایگزیکٹو کمیٹی کے ممبرکرسٹوفر ولف نے کہا کہ وبا سے عالمی مارکیٹ میں گاڑیوں کی فروخت کی تعدادمیں کمی آئی ہے ۔جبکہ چین میں رواں سال کے مئی سے گاڑیوں کی فروخت کی تعداد میں گزشتہ سال کے مقابلے میں اضافہ ہوا ہے ۔ یہ چین کی مثبت پالیسی کا نتیجہ ہے اور اس سے یہ بھی ظاہر ہوتا ہے کہ چینی مارکیٹ بہت لچکدار ہے ۔چینی آٹو مارکیٹ کی بحالی دنیا کی آٹو مارکیٹ کی بحالی کے لیے بڑی اہمیت رکھتی ہے ۔