صوبہ آن ہوئی میں چینی صدر کا ما آن شان شہر کا دورہ

چینی صدر شی جن پھنگ نے انیس تاریخ کو صوبہ آن ہوئی کے شہر ما آن شان کا دورہ کیا۔انہوں نے شوئے جیا وا ماحول دوست علاقے میں دریائے یانگسی کی صورتحال ،کناروں کے مجموعی انتظام اور حیاتیاتی تحفظ اور بحالی سے متعلق تفصیلات معلوم کیں۔

شوئے جیا وا ماحول دوست علاقہ دریائے یانگسی کے مشرقی کنارے پر واقع ہے۔ماضی میں یہ علاقہ ماحولیاتی مسائل سے دوچار تھا اور دو ہزار انیس میں شہر ما آن شان نے شوئے جیا وا سمیت دریائے یانگسی کے مشرقی کنارے پر مجموعی انتظامی سلسلہ شروع کیا اور اب یہ علاقہ کسی تصویر کی طرح خوبصور ت ہو گیا ہے۔

اس کے بعد چینی صدر شی جن پھنگ نے باؤ وو-ما گانگ اسٹیل گروپ کے کارخانے میں پیداواری بحالی اور آپریشن کی صورتحال دریافت کی۔ معلوم ہوا ہے کہ باؤ وو-ما گانگ اسٹیل گروپ چین میں اسٹیل بنانے والی ایک بہت بڑی کمپنی ہے ۔ ساٹھ سالوں کی ترقی میں اس کمپنی نے چین کی اسٹیل سازی کی صنعت میں کئی تاریخی ریکاڑڈز قائم کئے ہیں۔