ہانگ کانگ کی تمام رہائشی کالونیز میں کورونا وائرس ٹیسٹنگ کی منصوبہ بندی

اکیس اگست کو ہانگ کانگ خصوصی انتظامی علاقے کی چیف ایگزیکٹو کیری لام نےاعلان کیا کہ یکم ستمبر سے ہانگ کانگ کی تمام رہائشی کالونیز میں رہنے والوں کے لیےنوول کورونا وائرس کی ایک مرتبہ مفت ٹیسٹنگ کا منصوبہ بنایا گیا ہے ۔ اسی دن منعقدہ ایک پریس کانفرنس میں کیری لام نے کہا کہ ہانگ کانگ میں وبائی صورتحال بہت سنگین ہے ۔ اس کے تناظر میں ہانگ کانگ کی حکومت نے کالونیز کے تمام رہائشیوں کی ٹیسٹنگ کرنے کا فیصلہ کیا تاکہ جلدی سےتشخیص کر کے فوری طور پر قرنطین کیا جائے یا علاج و معالجہ کیا جائے نیز ہانگ کانگ کی معاشی و معاشرتی سرگرمیاں بھی جلد از جلد بحال ہو سکیں ۔

کیری لام نے اس وبا سے لڑنے کے لیے ہانگ کانگ کے خصوصی انتظامی علاقے کی مدد پر مرکزی حکومت کا تہہِ دل سے شکریہ ادا کیا۔