چین نے لان چھانگ-مے کونگ تعاون کو "نئی بین الاقوامی زمینی و بحری تجارتی راہ داری "سے منسلک کرنے کی تجویز پیش کردی

چین کے وزیر اعظم لی کھہ چھیانگ نے چوبیس تاریخ کو بیجنگ میں لان چھانگ-مے کونگ تعاون کے تیسری سربراہ اجلاس میں شرکت کے دوران کہا کہ چین لان چھانگ-مے کونگ تعاون کو "نئی بین الاقوامی زمینی و بحری تجارتی راہ داری "سے منسلک کرنے کی تجویز پیش کرتا ہے۔انہوں نے کہا کہ نئی بین الاقوامی زمینی و بحری تجارتی راہ داری چین کے مغربی علاقے سے گزرتے ہوئے جنوب مشرقی ایشیا اور یوریشیا سے ملتی ہے ۔لان چھانگ-مےکونگ تعاون کو نئی بین الاقوامی زمینی و بحری تجارتی راہ داری سے منسلک کیا جانا تجارتی راہداری کو مزید ہموار کرے گا جس سے چین کے مغربی علاقے ،جنوبی مغربی علاقے اور آسیان ممالک کی قوت کو مربوط بناتے ہوئے مے کونگ دریا سے منسلک ممالک میں مزید سرمایہ کاری کی جائے گی ،وسائل کی تقسیم کو مزید بہتر بنایا جائے گا ،صنعتی و سپلائی چین کا تحفظ کیا جائے گا ۔