آفات کے بعد تعمیر نو کے لیے ایک کھرب یوآن کی رقم مختص

چھبیس اگست کو سیلاب کی روک تھام اور آفات کے بعد بحالی اور تعمیرِ نو کے بارے میں چینی ریاستی کونسل کا اجلاس منعقد ہوا ۔ اجلاس میں بتایا گیا کہ آفات کے بعد تعمیر نو کے لیے جمع کی جانی والی رقم ایک کھرب سے تجاوز کر گئی ہے ۔

مرکزی حکومت شدید تباہی سے دوچار صوبوں میں نجی مکانات کی مرمت کے لیے امداد میں اضافہ کرے گی ۔ علاوہ ازیں تباہ شدہ کھیتوں اور گرین ہاؤسز سمیت زرعی سہولیات کی بحالی ، بیج اور دیگر سامان کی فراہمی اور سیلاب سے متاثرہ آبی منصوبوں، شاہراہوں اور پلوں کی تعمیر نو کو فوری طور پر شروع کرنے کے لیے مدد کی جائے گی ۔